البيت بيتك اكيد
الشاعر الكبير الخال الابنودي عشب الربيع اندهس بالقدم R2

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
تحياتي ♥️ احمد رشوان ♥️ المدير العام ♥️
وادارة المنتدي ♥️♥️
البيت بيتك اكيد
الشاعر الكبير الخال الابنودي عشب الربيع اندهس بالقدم R2

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
تحياتي ♥️ احمد رشوان ♥️ المدير العام ♥️
وادارة المنتدي ♥️♥️
البيت بيتك اكيد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


حلمنا العربى يتحقق هنا نجتمع من كل مكان فى بيت واحد
 
الرئيسيةالبوابة*أحدث الصورالتسجيلدخول

 

 الشاعر الكبير الخال الابنودي عشب الربيع اندهس بالقدم

اذهب الى الأسفل 
كاتب الموضوعرسالة
احمد رشوان
المدير العام
المدير العام
احمد رشوان



الشاعر الكبير الخال الابنودي عشب الربيع اندهس بالقدم Empty
مُساهمةموضوع: الشاعر الكبير الخال الابنودي عشب الربيع اندهس بالقدم   الشاعر الكبير الخال الابنودي عشب الربيع اندهس بالقدم Icon_minitimeالثلاثاء يوليو 30, 2013 8:32 am

عشب الربيع مهما اندهس

بالقدم

أو انتنى في الريح

بيشب تاني لفوق

يغني للخضره وطعم الألم

حبيبتي وإن يسألوكي

قولى مسافر بعيد

رايح يقابل العيد

على قلعة فوق الجبل

واللا في سجن جديد

في غرفة ضيقة في ساحة

الإعدام

يرمى الرصاص واللا

الخلاص

في خية المشنقة

مشوار بعيد المعنى

عالي الصوت

إذا مارحتوش أموت

وعالمي ينقفل

والشمس تسحب خيوطها وتنسحب في خجل

وسعيد كل ما قربت المواعيد

وهل فجر جديد

سعيد بكل اللى متألمه

كل الألم في الدنيا متعلمه

في زماننا ده ما أخيب اللى

الحزن يفطمه

تعبت أقرا الوجوه بحثا عن

الإنسان

وتعبت أقرا اليفط بحثا عن

العنوان







كل الخرايط ما توضح تبهت

الأوطان

لكن خلاص كتبت اسمي

بومض الرصاص

وفديت عيون الوطن وفديت

عيون الناس

ويا أمي إن يسألوكي لا

يترعش لك حضن

ولا تحسى بحزن وتقولي مات

في السجن

ساعتها يبقى الحزن بلا

موضوع

والسجن بلا موضوع والموت

بلا أكفان

وكفاية جربنا سنين الموت

بالمجان

والتافه المتهان أهانا

بالمجموع

الموت مجرد سفر

لاشواك ولا زعابين ولا عفر

ولا كلاب بتطل من جورنان

تخطب بألف لسان

تصبغ وجوهنا النيره بأصبغ

الألوان







ويا أمي كل ما يوهموا بموتي

اتذكري صوتي بذمتك مش

كان عظيم الآن

قالت له صوتك نشان

قالت موتك بيان

طالع يقول موجود يا أسمر يا أبو عيون سود

فكيت طلاسم سحرنا

المرصود

وعدلت وش الزمان 

m12
الرجوع الى أعلى الصفحة اذهب الى الأسفل
احمد رشوان
المدير العام
المدير العام
احمد رشوان



الشاعر الكبير الخال الابنودي عشب الربيع اندهس بالقدم Empty
مُساهمةموضوع: رد: الشاعر الكبير الخال الابنودي عشب الربيع اندهس بالقدم   الشاعر الكبير الخال الابنودي عشب الربيع اندهس بالقدم Icon_minitimeالثلاثاء يوليو 30, 2013 8:35 am

مهما أقول أو تقول..

إيه راح يفيد الكلام؟..

حكامنا صاحبوا العدو ..

وإحنا رحنا ننام

قالو لنا: حنحلها إحنا في خمس تيام

آدي بداية انهيار الأمة قدامنا

بعنا حقيقتنا وسكنّا في أوهامنا

عشنا وزادنا الخطب..

كرهتنا أحلامنا

أنا ما بنيت الدار إلاَّ لأحارب

ودار بلا حربٍ... عليا حرام..!!

مهما أقول أو تقول..

إيه راح يفيد الكلام؟

مش قالوا حنحلها إحنا في خمس تيام؟..

آدي العراق منطرح ع المقصلة.. بناسُه..

مستني حكم الغريب الجاي... بمداسه

يدوس علي الأمة.. وتسممنا أنفاسه

واحنا بنسأل: صحيح فيه حرب يا اخواننا؟..

وقال صحيح.. طامعة أمريكا في بترولنا؟؟..

مش هيه كانت صديقتنا.. كما فهمنا؟..

يا أمة.. جزم العدو.. دايسة علي رقابنا

وازاي بنسعد قوي.. في كل ما داسوا؟..

وآدي العراق منطرح ع المقصلة بناسُه

وكأننا إحنا.. ولا أهله.. ولا ناسه..!!

بيننَّا ما بين الدمار.. الدُّوس علي الأزرار

وتبتدي الكاِرثَة وتصعْد جبال النار

أمريكا.. في كل ساعة.. تبدّل الأعذار







والأمة قاعدة بتتفرج وتتشكك..

تشوف صورها علي الشاشات تقوم تضحك

وتسألك.. تفقعك.. وتقول: صحيح فيه ضرب؟..

من كتر ما نعسنا في الضلة.. نسينا الحرب

نقفلها م الشرق يفتحها علينا الغرب

عدو.. ما بينامش لا في الليل.. ولا في نهار..!!

بينّا ما بينه.. يا دوب دوسه علي الأزرار

وتبتدي الكارثة وتشعلل جبال النار..!!

أمريكا يمّ العراق زاحفة بلا قوانين

زي إسرائيل اللي قاتلة ولادنا في فلسطين

لاتنين علي نية.. ريحة الدم.. هيه الدين

جايين.. معاهم سلاح يقتل بلا تنشين

واحنا اللي إيدنا بلا حِتة عصايةْ توت

واللي أخدنا خلاص علي ابتسامة الموت

متلطشين م اللي مش فايت وم اللي يفوت

وسلاحنا طوب.. إنما.. إحنا اللي متَّهمين!!

وامريكا يم العراق زاحفة بلا قوانين

زي إسرائيل اللي قاتلة الشعب في فلسطين!!







قال إحنا لؤما قوي وقال ايه نتحايل

وقال بنخفي السلاح.. في الضل لو مايل

في لقمة الطفل أو في مشية الحامل

سلاح رهيب.. مستخبي فيه دمار شامل

يا ريت يا سيدي ما كانش الحال بقي مايل

ولا كنا نتسول التأييد من الغربا

والجرح يوسع يوماتي لاطب ولا طببا

وأقلها كلب.. يشتمنا.. ويتطاول..

قال إحنا لؤما قوي ع الحيلة نتحايل

وقال بنخفي السلاح في الضل لو مايل

وإحنا ضعفا... بنصرخ.. زي طفل غريق

قوِّتنا ضاعت ما بين الكرْه والتفريق

وكل دولة تلاتة متر.. عاملة فريق

قال ده أخويا اللي لعدوي.. أعز صديق

يحب وش العدو.. وش العرب لأه

ياكل طعام العدو.. لقمة اخوه.. لأه

يلبس قماش العدو.. وقطن أخوه لأه

تقوله:أهلاً.. يروح يشكيك لأعداءك

قول رأيك ايه لما تصبح أمتك.. داءك؟

تفطر بكاس العداوة كل يوم ع الريق!؟

وإحنا ضعنا.. بنصرخ زي طفل غريق

وكل دولة تلاتة متر.. عاملة فريق!!

السَّكرة راحت أهه.. وطلّت الفكرة

وكنا خايفين مجيئ بكرة.. وجه بكرة..







بدأوا بأرض الديانة: القدس« و» الناصرة

بيت لحم و جنين و نابلس. واسألوا "غزة"

أعز أولاد.. لأمة متاجرة في العزة

الركلة آخر مزاج.. والصفع له لذة

كل العذاب ده ولا عرفناش يا ناس نكره؟..

وكنا خايفين مجيئ بكرة وجه بكره

والسكرة راحت أهه وفضلت الفكرة

إشمعني يعني العراق ولافيش غير هوه

علشان تغير نظامه إنت بالقوة..؟

الأنظمة كلها.. ما بتختلفش يا أخ

مَد المواطن قفاه ومنعتوا آه أو أخْ

مش أنظمة.. في الحقيقة دي مجرد فخ

لو المواطن جمل بحملكم كان نخ

وكل حاكم لئيم.. براه.. غير جوه

واشمعني يعني العراق؟.. ولافيش غير هوه

علشان تغير نظامه إنت بالقوة؟..

قلنا زمان.. اعتدَي علي الكويت ظلما

ً وكنا ضده... وقررنا يعود حتماً..

دلوقت لا راح علي أيسر ولا أيمن

حكايتكو يا الأمريكان ألغز من الألغاز

وف تبريراتكو المريبة باشم ريحة الجاز

الكدب علي وشكم.. ما ينقصوش برواز

شعب العراق لن يموت.. الموت لكم إنتم

إنتو اللي جرتوا عليه.. وانتو اللي أجرمتم

ولا راح نفوت تارنا مهما رجعتوا وبعدتم







يا دي الرئيس اللي علي قول الضلال.. أدمن

مطلوق علينا.. كأنك ديب جعان شارد

وجاي علينا.. بتتمطع قوي... وفارد

في كوريا نعجة وعلينا جاي عامل مارد

لا إنت عمي .. ولا أمي.. ولا الوالد

علشان تيجي لبلادي بكل أسلحتك

تنقذني م اللي حاكمني... كنت عينتك؟..

عارفك ما تعرف يا قاتل.. إلا مصلحتك؟

مش أنظمة!!. إنما.. قابلينها يا بارد!!

مطلوق علينا كأنك ديب رهيب شارد

في كوريا نعجة.. وعلينا.. جاي عامل مارد!!

أطفالنا ماتوا.. ولا سائلش عنهم حد

تحت البيوت قبل حتي ما البيوت تنهد

ونسألك إنت.. وكإنك نسيت الرد

الدنيا تطلع مظاهرات والهتاف بيقول

واللي في مخك في مخك.. لا يهمك قول

قلبك علي إسرائيل وعينيك علي البترول

واخدينها إحنا هزار.. وانت واخدها جد!!

أطفالنا ماتوا ولا سائلش عنهم حد

والدنيا تسأل.. وكأنك نسيت الرد







آدي العراق القريب م القلب راح منا

بعيد بعيد.. ابتعاد النار عن الجنة

واحنا زي النُّظُم.. خطبة.. وقفِّلنا

ونرجعوا للبيوت تاني بنتمنظر...

الطيارات بالدانات والشاشة بالمنظر..

وإحنا لا حوله ولا يعذرنا من أنذر

ولا في عرق اتنفض فينا ولا أَنَّه

آدي العراق القريب م القلب راح منا

بعيد بعيد.. ابتعاد النار عن الجنة

خلاص نسينا النضال.. اليوم نقول بغداد

وبكره حنقول كذا.. وبعده ياما بلاد

واحنا كما المربوطين.. في أوتد الأوتاد

الشهدا بيموتوا يومياً قصاد العين..

من تحت عينيك عيون شايفانا يا فلسطين

أميرة إنتي ما بتلوميناش.. تلومي مين؟

ما ظنش اللي شبهنا تجوز لهم رحمة

إذا بدم البلاد... بيلونوا الأعياد!!

خلاص نسينا النضال.. اليوم نقول بغداد

وبكره حنقول كذا.. وبعده ياما بلاد!!
الرجوع الى أعلى الصفحة اذهب الى الأسفل
 
الشاعر الكبير الخال الابنودي عشب الربيع اندهس بالقدم
الرجوع الى أعلى الصفحة 
صفحة 1 من اصل 1
 مواضيع مماثلة
-
» مجموعه من اشعار الكبير الخال ♥الابنودي♥
» عيد ميلاد ♥ الشاعر الكبير ♥ اكرم عبد السميع♥
» اغنية بعلو الصوت جامده علشان الربيع العربي ومصر
» من هوصاحب .. الحظ الكبير الذي يضحك الله له ؟؟؟

صلاحيات هذا المنتدى:لاتستطيع الرد على المواضيع في هذا المنتدى
البيت بيتك اكيد :: شعر وخواطر منقوله-
انتقل الى: